Carita Humor Fiksi Bobi -->

Kategori Berita

Iklan Semua Halaman

Carita Humor Fiksi Bobi

Sunday, June 7, 2020
Oleh : Bobi
 
Samin keur sumringah di ruang tamu bari lalajo film kungfu di televisi. Manehna ribut sorangan ningali jagoanna gelut dikurutug ku musuhna jumlahna puluhan jelema. Di tv keur gareulut,Samin ge milu ribut ngagerakeun leungeun suat siat. Atuh nyonya rumah, Nyai alias pamajikana ngarasa kagandengan.

Nyai  : gandeng atuh akang,lalajo tivi teh kos budak geuning.
Samin : rame pisan film kungfuna. Kadieu tingali ku maneh geura bebeb sayangku.

Nyai panasaran pisan,tuluy manehna milu lalajo bari nyeupah.

Nyai : rame naonna kuring teu ngalalarti ngomong kos kitu. Ngomong bahasa naon kos kitu.

Samin : eta teh bahasa mandarin, bahasa orang cina.
Nyai : ari kitu maneh ngarti bahasa Cina. Bahasa sunda leumes ge teu begug.

Samin : ya ampuuun.... ari maneh bodo teh dipiara pisan ti baheula neupi ka ayeuna. Apan dihandap aya teks bahasa indonesiana. Baca geura ku maneh.

Nyai : ari akang geus pikunya. Apan kuring teh buta hurup. Ti wawuh ka akang ge teu bisa maca.

Samin : eh,enya. Kuring poho wae. Maneh teh teu bisa maca,teu bisa ngitung. Tapi ngitung duit pinteur. Dasar mata duitan. Tuh tingali heula tivi jagoanna keur ngaluarkeun jurus nu maut.

Nyai : nu mana jagoana. Eta geuning awewe kabeh kang. Buukna ge pararanjang dikepang. Mana lalakina.

Samin : bussyeeettt dah,eta teh lain awewe, lalaki kabeh. Film kungfu mandarin mah emangna kitu, buukna pararanjang.

Nyai : nyao ah lalieur lalajona. Buukna pararanjang kabeh. Beungeutna sararua kabeh.

Samin : geus atuh ulah lalajo ari lieur mah. Nyeupah weh lobakeun sugan weh kapilih jadi bintang iklan pasta gigi.

Nyai : ngaco wae ari ngomong teh. Dasar bunteulan hitut.

Dina hiji waktu film kungfu anu dilalajoan ku Samin kabawa ngimpi. Eta Samin gundam make bahasa mandarin. Atuh pamajikana digigireun, sarena kagandengan ngarasa aneheun salakina gundam kos kitu. Nyai ngagurutu.

Nyai : eta ngomong naon nya salaki urang,cuang ciang cing kitu. Teu ngalalarti.

Teu lila,gundam Samin biki parah. Sukuna digerakkeun tundang tendang nepi ka nendang pamajikana. Atuh pamajikanna meuntal ragrag tina ranjang bari ngajeurit. Aduuuhhh....!!!!! Samin gorenjal hudang ngadenge pamajikanna ngajeurit.

Samin : maneh kunaon nyai, ragrag tina ranjang ? Euweuh hujan, euweuh angin. Ragrag sorangan.

Nyai : ragrag sorangan,dasar borokokok. Ceuk urang ge ulah sok lalajo wae film kungfu. Urang tadi ditendang ku maneh jadi ragrag. Da maneh mah teu sadar gundam tundang tendang.

Samin : oh kitu. Duh bebeb yayangku, karunya teuing geulis ragrag tina ranjang. Akang hampura da teu dihaja. Gundam kungfu teh lain kahayang akang.

Nyai : nyao ah, biki kolot teh biki kurang hideng. Urang rek pindah sare di korsi . Sare jeung maneh mah nepi ka isuk bisa babak belur.Bisa modar enya. Gundam na sararieun. Ih, takuuuuttt..... !!!!!